Back Fivə qarşı yeddi Azerbaijani Sedm proti Thébám Czech Seven against Thebes English Sep kontraŭ Tebo Esperanto Los siete contra Tebas Spanish Seitsme sõjakäik Teeba vastu Estonian Seitsemän Thebaa vastaan Finnish Septynetas prieš Tėbus Lithuanian Siedmiu przeciw Tebom Polish Семеро против Фив Russian
Para outras páxinas con títulos homónimos véxase: Os sete contra Tebas (Esquilo).
Coñécese como a guerra dos Sete contra Tebas un dramático episodio da mitoloxía grega, unha guerra contra a cidade de Tebas (Grecia). O tema foi desenvolvido en diferentes textos da literatura grega, en especial por Sófocles na súa serie sobre Edipo e Antígona, por Eurípides (Fenicias) e, sobre todo, por Esquilo, que escribiu unha traxedia co título dos Sete contra Tebas.
Cando Hesíodo, na súa obra Traballos e días, describe as cinco idades ou razas de homes conta que a Raza dos Heroes desapareceu en guerras como a de Tebas ou a de Troia:
"A malvada guerra e o terrible combate aniquilounos, a uns loitando xunto a Tebas, de sete portas, na terra Cadmea, por causa dos fillos de Edipo; a outros conducíndolles en naves sobre o abismo do mar cara Troia, por causa de Helena, de fermosa cabeleira".(Hesíodo: Trabajos y días 161-165)